Phetolelo e Kopana ya Dipotšišo tša APRM
Setemere 2005
TEBANYO
POTŠIŠO
Karolo ya 1: Demokrasi le Pušo e Botse ya Sepolotiki
Go thibela le go fokotša dikgohlano tša ka gare ga naga le tša dinaga tša go fapana
Na ntwa goba dikgaruru di go ama bjang?
Go hlabolla Demokrasi ya Molaotheo, go akaretša phadišano ya nako le nako ya dipolotiki le dipaka tša go ikgethela, tšhomišo ya molao, ditokelo tša baagi le bogolo bja Molaotheo.
Ke eng se se lokilego le seo se sa lokago ka mokgwa wa rena ka wa dipolotiki?
Go hlabolla le go šireletša ditokelo tša ikonomi, leago le ditokelo tša setšo, ditokelo tša boagi le tša sepolotiki bjalo ka ge di akareditšwe ka didirišweng tša ditokelo tša botho tša Afrika le tša boditšhabatšhaba
Na re netefatša gore go ba le toka go bohle?
Go thekga kgaogano ya taolo, go akaretša go šireletša go ikemela ga toka le makgotlatheramolao ao a šomago ka mo go kgontšhago
Na bao ba dirago melao gammogo le baahlodi ba ka lehlakoreng la bo mang?
Go netefatša gore go ba le batshwari ba ditulo le bašomedi ba mmušo bao ba nago le maikarabelo, gomme ba šomago gabotse kudu.
Na mmušo o šoma gabotse go fihla kae?
Gomme batho bao ba šomelago mmušo bona?
Na boemo bja bobodu ke bofe dipolotiking?
Na ke eng se sengwe seo se swanetšego go dirwa ke bona?
Go hlabolla le go šireletša ditokelo tša basadi
Na basadi ba fiwa thekgo yeo e lekanego yeo ba e hlokago gore ba lokologe?
Go hlabolla le go šireletša ditokelo tša bana le bafsa
Na bana ba šireleditšwe gabotse gakae?
Go hlabolla le go šireletša ditokelo tša dihlopha tše tšeo di lego kotsing, go akaretša le bafaladi.
Na bafaladi le batho bao ba hlokago bodulo ba swarwa gabotse bjang?
Gomme batho ba golofetšego bona?
Karolo ya 2: Taolo ya Ikonomi le Tshepedišo
Go hlabolla dipholisi tša ikonomi e kgolo yeo e thekgago tlhabollo ye e tšwelelago
Na ikonomi e laolwa gabotse bjang ka kakaretšo?
Go phethagatša dipholisi tšeo di lego pepeneneng gape di ka bonwago pele ga nako.
Na Mmušo o kgokaganya gabotse bjang ditiro tša wona?
Go hlabolla tshepedišo ye e kwagalago ya ditšhelete tša mmušo
Na mmušo o laola bjang ditšhelete tša wona?
Go lwantšha bobodu le tšhomišo ya ditšhelete ka tsela ye sa lokago
Na o angwa bjang ke bobodu Mmušong?
Go akgofiša nyalano ya ditikologo ka go ba le seabo mo thulaganyong ye lokilego ya dipholisi tša ditšhelete, kgwebo le dipeeletšo.
Na re dira dilo tše di nepagetšego kgwebong, le gona na re šoma go le go gontši bjang le dinaga tše dingwe tša Afrika?
TEBANYO
POTŠIŠO
Karolo ya 3: Taolo ya Dikhampani
Go hlabolla tikologo yeo e tla kgontšhago le tlhamo ye e šomago gabotse ya taolo malebana le ditiro tša ikonomi
Na go bonolo bjang go dira kgwebo mo Afrika Borwa?
Go netefatša gore dikhampani di šoma bjalo ka mekgatlo ye e lokilego ya baagi malebana le ditokelo tša botho, maikarabelo a leago le tikologo ya go tšwela pele
Na dikhampani tše kgolo di hlompha batho le setšhaba?
Go hlabolla kamogelo ya melawana ya boitshwaro bjo bobotse kgwebong ka go fihlela maikemišetšo a khampani.
Na dikhampani tše kgolo di šoma ka botshepegi le ka tsela ye e lokilego mo gae?
Go neelana ka maikarabelo a dikhampani, balaodi le bahlankedi.
Na melao le melawana yeo e laolago ka moo molao wa dikhamphani o šomago ka gona?
Karolo ya 4: Tlhabollo ya Ikonomi le Leago
Go tšwetšapele boitshepo malebana le tlhabollo le go thuša malebana le tlhabollo yeo e tla kgonago go tšwelela ka boyona.
Na re hwetša kae dikakanyo tša rena mabapi le bokamoso?
Ke mang yo a lefago bakeng tlhabollo ya rena?
Go akgofiša Tlhabollo ya Ikonomi le Leago go fihlela tlhabollo ye e tšwelelago le go fediša bohloki.
Na re dira dilo tše di nepagetšego go fediša bohloki?
Go maatlafatša leano la mekgwa ya tlhagišo ya dipholisi le diphetho mererong ye bohlokwa ya leago go akaretša thuto le go lwantšha HIV/AIDS le malwetši mangwe ao a fetelago. Go dira bonnete bja gore baagi bohle ba naga kudukudu bao bahloki ba magaeng ba kgona go fihlelela meetse, tlhwekišo, maatla, ditšhelete, mebaraka, ICT, bodulo le naga ga bonolo.
Mmušo o aba gabotse bjang ditirelo, kudukudu ditirelo tša motheo tše bjalo ka meetse le bodulo?
Hlohleletša go ba le seabo se segolo sa bakgathatema bohle malebana le tlhabollo maemong ka ohle.
Dikakanyo tša lena bjalo ka baagi ba bjalo ka wena di tšeelwa godimo bjang ke bao ba bušago?
Bofelo
Setemere 2005
APRM Lenaneopotšišo le le kopana - 1 -
